Normativ-huquqiy hujjatlar loyihalari muhokamasi portaliga hukumatning tegishli qarori loyihasi joylashtirildi.
Unda Prezident granti va «qizlar uchun maxsus stipendiya»ni berish tartibi ko‘rsatilgan.
Qayd etilishicha, 2021-2022 o‘quv yilidan boshlab oliy ta’lim muassasalari bakalavriati kunduzgi bo‘limiga kirish imtihonlarida eng yuqori ball to‘plagan 200 nafar yoshlar uchun butun o‘qish davri davomida Prezident granti stipendiyasi joriy etiladi. Bu grant hamda to‘lov-shartnoma asosida qabul qilingan talabalarga ham ko‘zda tutilgan.
Buning uchun talaba imtiyoz shaklidagi har qanday qo‘shimcha ballga ega bo‘lmasligi lozim.
Prezident granti stipendiyasi sohibi bo‘lgan talabalar ro‘yxati har yili kirish imtihonlari tanlov natijalari e’lon qilingan kundan so‘ng 10 kun muddatda Davlat test markazi tomonidan tasdiqlangan holda Oliy va o‘rta maxsus ta’lim vazirligiga oliy ta’lim muassasalari kesimida taqdim etiladi.
Prezident granti sohibi bo‘lgan birinchi kurs talabalariga o‘quv yilining 1-semestri mobaynida Prezident stipendiyasi miqdoriga teng bo‘lgan miqdorda stipendiya tayinlanadi va to‘lanadi.
O‘quv semestri natijalariga ko‘ra barcha fanlar bo‘yicha o‘zlashtirish ko‘rsatkichi faqat «a’lo» baho bo‘lgan talabalarga Prezident stipendiyasini to‘lash davom ettiriladi.
O‘quv semestri natijalariga ko‘ra kamida bitta fandan o‘zlashtirish ko‘rsatkichi «a’lo» baho bo‘lmaganda, Prezident granti sohibi bo‘lgan talabalarga kelgusi o‘quv semestri mobaynida umumiy tartibda o‘zlashtirayotgan talabalarga belgilangan miqdorda stipendiya tayinlanadi va to‘lanadi.
Navbatdagi o‘quv semestri natijalariga ko‘ra barcha fanlar bo‘yicha o‘zlashtirish ko‘rsatkichi faqat «a’lo» baho bo‘lgan, dastavval Prezident granti stipendiyasi sohibi bo‘lgan talabalarga Prezident stipendiyasi miqdoriga teng bo‘lgan miqdorda stipendiya qayta tayinlanadi va to‘lanadi.
Shuninngdek, 2021-2022 o‘quv yilidan boshlab «a’lo» baholarga o‘qiyotgan va ijtimoiy himoyaga muhtoj, davlat granti yoki to‘lov-kontrakt asosida ta’lim olayotganidan qat’i nazar talaba qizlarni moddiy qo‘llab-quvvatlash uchun oyma-oy to‘lanadigan «qizlar uchun maxsus stipendiya» joriy etiladi.
Bunda, ularga oliy ta’lim muassasalari tomonidan belgilangan amaldagi stipendiya miqdorlari saqlab qolingan holda qo‘shimcha tarzda bazaviy stipendiya miqdorida maxsus stipendiya belgilanadi.
oliy ta’lim muassasasi tomonidan ushbu stipendiyaga nomzod qizlarni tanlab olish uchun o‘quv semestri yakuni bo‘yicha fanlardan o‘zlashtirish ko‘rsatkichlari faqat «a’lo» baho bo‘lganligi va ijtimoiy himoyaga muhtojligi kabi mezonlarni nazarda tutuvchi alohida tartib ishlab chiqiladi.
Davlat granti va to‘lov-kontrakt asosida ta’lim olayotgan talaba qizlarga «qizlar uchun maxsus stipendiya» tayinlash oliy ta’lim muassasasi kengashi tomonidan tasdiqlangan Tartibga muvofiq aniqlanadi va oliy ta’lim muassasasi rektori yoki filial direktori buyrug‘i asosida rasmiylashtiriladi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Lukashenko G‘arbga tahdid bilan chiqdi
Qaysi kundalik odatlar immunitet pasayishiga olib kelishini bilasizmi?
Toshkentda 02 kodli avtoraqamlar taxminan qachon paydo bo‘lishi aytildi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Ortiqcha vaznli insonlar uchun sog‘lom ovqatlanishning beshta muhim qoidasi
Sariqmi yoki yashil: qaysi turdagi banan foydaliroq?
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi
