5 427
Andijonlik sozgar baxshilar doʻmbirasining yangi namunasini ishlab chiqdi (foto, video)
Andijonlik sozgar, milliy sozlar ixtirochisi Abdumalik Madraimov baxshilar uchun doʻmbira sozining yangicha namunasini yaratdi.
“Shu yili 5—10 aprel kunlari Surxondaryo viloyatida oʻtadigan baxshilar xalqaro festevali uchun baxshilarimiz ovozi yaxshi, yangilangan doʻmbira yasab berishimizni soʻrab murojaat bilan chiqishdi. Yangi namunadagi cholgʻu ustida ikki oy ishladik. Ovozi baland, bemalol katta davralarda chalib aytishga qulay. Baxshilar bilan telefon orqali muloqot qilib, ovozini eshittirdik, ularga maʼqul keldi. Albatta, haqiqiy bahoni baxshilarimiz qoʻlida chalib koʻrgandan soʻng berishadi”, — deydi sozgar usta Abdumalik Madraimov.
Avvalgi yongʻoq daraxtidan oʻyib yasalgan doʻmbiradan farqli yangi namunadagi doʻmbira turli qismlardan yigʻib ishlangan boʻlib, ancha yengil. Qoʻl sirgʻanib chalishga qulay boʻlishi uchun dastasi yedirilmaydigan va silliq tekistalitdan yasalgan. Shuningdek, musiqa maktablarining baxshichilik sinflari oʻquvchilariga moslangan varianti ham sinovdan oʻtkazilgan.
Abdumalik Madraimovning qoʻshimcha qilishicha, yangi namunadagi doʻmbirani yasashga bitta dutor yasashga ketgan vaqt va sarf-xarajatlar ishlatilgan. Bu hozirda 450 ming soʻm atrofiga toʻgʻri keladi.
Usta koʻp yillardan buyon Oʻzbekistonda qoʻllanilayotgan 37 xildagi musiqa asboblarini qayta ishlash va takomillashtirish bilan shugʻullunib keladi.
Manba: Daryo.uz “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSHning G‘azodagi siyosatidan norozi Davlat departamenti rasmiysi iste’foga chiqdi
Mariya Zaxarova ukrainaliklarni Amerika hindulariga o‘xshatdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Germaniyada maktab o‘quvchilari ommaviy ravishda islom dinini qabul qilmoqda
Zoir Mirzayev “Telefonsiz maktab”ga 300 mln so‘m mukofot berdi
Ispaniya va Gretsiya Kiyevga Patriot tizimlarini yetkazib berishdan bosh tortdi
Ruslar Abrams tanklarining zaif tomonini topishdi