Bugun O‘zbekiston Kinemotografiya agentligi tomonidan «O‘zbekfilm» kinokonsernida tashkil etilgan «Ipak yo‘li durdonasi» Toshkent xalqaro kinofestivali oldidan OAV vakillari, mutaxassislar, kinoijodkorlar va yoshlar uchun matbuot anjumanida festivalda 15 ga yaqin mamlakat filmlari namoyish etilishi aytib o‘tildi.
Anjuman O‘zbekiston Respublikasi Bosh vaziri o‘rinbosari Aziz Abduhakimov va O‘zbekiston Kinemotografiya agentligi Bosh direktori Firdavs Abduholikov tomonidan ochib berildi. So‘zga chiqqanlar festivalda kutilayotgan yangiliklar, festival doirasida tashkil etilishi kutilayotgan tanlovlar, yangi tashkil etilayotgan kinomanzillar va taniqli yulduzlar bilan o‘tkaziladigan uchrashuvlarga batafsil to‘xtalib o‘tishdi.
Matbuot anjumani davomida kinofestival ochilish marosimi Alisher Navoiy nomidagi kinosaroyida tashkil etilishi ma’lum qilindi. Shuningdek, festival doirasida bo‘lib o‘tadigan tadbirlar haqida ma’lumot berildi. Kinofestivalga tayyorgarlik jarayonlari boshlab yuborilgan bo‘lib, yosh kinoijodkorlar uchun «Kino 5 kunda» ijodiy tanloviga start berilganligi, xorijlik taniqli kinoijodkorlarning tashrifi, yangicha ko‘rinishda ta’mirlangan «O‘zbekfilm» kinokonserni va boshqa lokatsiyalar ochiqlandi.
Matbuot anjumani davomida xorijlik mutaxassislar ishtirokida ZOOM platformasi orqali onlayn muloqot tashkil etildi. Unda qozog‘istonlik prodyuser Qo‘nan Adilbayev, italiyalik vakil Olga Strada, ozarbayjonlik kinorejissyor Rufat Gasanov, rossiyalik rejissyor va prodyuserlar Djanik Fayziyev, Timur Bekmambetov, qozog‘istonlik teatr va kinoaktyori Azamat Satibaldi va boshqalar ishtirok etishdi. Shuningdek, ZOOM platformasi orqali taniqli xorijlik ijodkorlarning tabriklari ko‘rsatildi.
Anjuman davomida OAV vakillari kinofestival bilan bog‘liq savollariga tashkilotchilar tomonidan javob olishdi.
Ma’lumot uchun, «Ipak yo‘li durdonasi» Toshkent xalqaro kinofestivali 28 sentabr 3 oktabr kunlari bo‘lib o‘tadi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi