Milliy statistika qo‘mitasining ma’lumotlariga ko‘ra, 2025-yilning dastlabki o‘n oyida pochta va kuryerlik xizmatlari bozori hajmi 5,5 trillion so‘mni tashkil etib, yillik o‘sish 10,1 foizni tashkil etdi. Bozorning asosiy qismi Toshkent shahri hissasiga to‘g‘ri kelib, bu yerda ko‘rsatkich 2,9 trillion so‘mni tashkil qildi.
Samarqand viloyatida 602,4 milliard so‘mlik, Toshkent viloyatida esa 433,5 milliard so‘mlik xizmatlar amalga oshirilgan. Eng past ko‘rsatkichlar esa Sirdaryo viloyatida (41,3 milliard so‘m) va Navoiy viloyatida (34,6 milliard so‘m) qayd etilgan.
Joriy yilning noyabr oyi boshiga kelib, Milliy statistika qo‘mitasi mamlakat xizmatlar bozorining umumiy hajmini 818,6 trillion so‘mga baholadi. Bu ko‘rsatkich o‘tgan yilga nisbatan 14,4 foizga oshgan.
Xizmatlar bozorining asosiy qismini moliyaviy texnologiyalar va telekommunikatsiya sohasi tashkil qilgan.
Mehmon guruhidagi foydalanuvchilar ushbu nashrga izoh qoldira olmaydi.
