Numbeo tomonidan tuzilgan global reytingga ko‘ra, Markaziy Osiyoning bir qator davlatlari — O‘zbekiston, Qozog‘iston, Tojikiston va Qirg‘iziston — yashash xarajatlari past bo‘lgan mamlakatlar qatoriga kiritildi.
Reytingda jami 155 ta davlat qamrab olingan. Taqqoslash uchun Nyu-York “100” bazaviy nuqta sifatida olingan: indeks qanchalik past bo‘lsa, mamlakatda yashash shunchalik arzon hisoblanadi. Hisob-kitoblarda ijara, kommunal to‘lovlar, oziq-ovqat mahsulotlari, restoranlar, shuningdek aholining xarid qobiliyati kabi omillar inobatga olingan.
Markaziy Osiyo bo‘yicha ko‘rsatkichlar quyidagicha:
Qozog‘iston — 29,8 (128-o‘rin)
Tojikiston — 27,9 (136-o‘rin)
O‘zbekiston — 27,3 (138-o‘rin)
Qirg‘iziston — 27,3 (140-o‘rin)
Mintaqada xarid qobiliyati eng yuqori Qozog‘istonda, eng past ko‘rsatkich esa Tojikistonda qayd etilgan.
Shu bilan birga, yashash narxining pastligi har doim ham turmush darajasi yuqori ekanini anglatmaydi: xarid qobiliyatidagi farqlar narxlar darajasi bilan aholining real daromadlari o‘rtasidagi tafovutni aks ettiradi.
“Zamin”ni Telegramʻda oʻqing!
