3 251
Bahrom Almatov: «Bemorlar to‘liq sog‘ayganidan keyin ham 2 hafta shifoxonada saqlanadi»
Tekshirishlar shuni ko‘rsatdiki, bemor to‘liq sog‘ayganidan keyin ham unda kasallik yuqtiruvchi viruslar saqlanib turadi. Buni hisobga olgan holda hukumatimiz oldiga davolanishdan keyin ham yana 2 haftalik reabilitatsiya chora-tadbirlari rejasini qo‘ydik.
Kun.uz muxbiri koronavirus mavzusidagi navbatdagi brifingdan so‘ng Sanitariya-epidemiologik osoyishtalik agentligi direktori Bahrom Almatov bilan qisqa suhbat uyushtirdi.
– Bahrom aka, muassasalarga murojaatlar qanday bo‘lyapti?
– Bir kun davomida tizimimizdagi laboratoriyalarga o‘zida koronavirus infeksiyasida shubhalanib, o‘rtacha 200-300 kishi murojaat qilib turibdi. Bunday fuqarolardan namunalar olinib, tekshirishlar o‘tkazilmoqda. Barcha tekshirishlar bepul. Tekshirish ishlari asosan ekspress uslub orqali o‘tkaziladi va 4-5 soat davomida javobi olinadi. Ya’ni murojaat qilgan fuqaro o‘rtacha 5 soatda o‘zida koronavirus bor-yo‘qligini bilib oladi.
Endi tekshirishni yanada tezroq o‘tkazadigan boshqa ekspress-testlar ham bor. Lekin bu usullar kasallikni erta [bosqichda] aniqlamaydi. Vaholanki kasallik avjiga chiqqanda, boshqa belgilar paydo bo‘lganda, aytaylik qon tahlili 20 daqiqada ham javob berishi mumkin.
Bizga tadbirkorlar tomonidan [testni tezroq o‘tkazish bo‘yicha] ko‘plab murojaatlar kelib tushyapti. Lekin shunga qaramay biz qon orqali tekshirish usulidan voz kechganmiz. Chunki davlatimizda kasallik [nisbatan] kam qayd etilyapti. Ushbu kasallik keng tarqalib ketishining oldini olishda biz uchun barvaqt aniqlash chora-tadbirlari o‘ta muhim.
– Umuman, kasallik to‘liq tuzalgangani qanday ko‘rsatkichlarga ko‘ra ma’lum bo‘ladi? Ya’ni bemorlar qanday holatda sog‘aygan hisoblanadi?
– Birinchi navbatda kasallik belgilariga e’tibor berishimiz kerak. Tana harorati, quruq, yo‘tal, nafas qisishi, holsizlik, ayrim hollarda ich ketishi. Keyinchalik virus o‘pkaga o‘tadi, belgilari nisbatan tez rivojlanadi. O‘pkada asorat berganidan keyin davolanish qiyin kechadi. Pnevmoniyada antibiotiklar va juda ko‘p simptomatik davo choralari qo‘llanadi. Kasallik belgilari tugaganidan keyin, o‘pkadagi biriktiruvchi to‘qima so‘rilib ketguncha ham ma’lum muddat o‘tadi. Bu bemorning umumiy ahvoli, yoshi, qabul qilgan dori-darmonlari va hatto yegan ovqatiga ham bog‘liq.
O‘z vaqtida davolanganidan so‘ng, kasallikdan sog‘ayganidan keyin ham bemorlarni 2 hafta saqlab turmoqchimiz. Chunki tekshirishlar shuni ko‘rsatdiki, bemor to‘liq sog‘ayganidan keyin ham unda kasallik yuqtiruvchi viruslar saqlanib turadi. Buni hisobga olgan holda hukumatimiz oldiga to‘liq davolanishdan keyin ham yana 2 haftalik reabilitatsiya chora-tadbirlari rejasini qo‘ydik.
Abror Zohidov suhbatlashdi
“Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
O‘mon sultonligi elchisi: «Urushlarni harbiy kuch bilan hal qilib bo‘lmaydi»
Xalqaro jinoyat sudining orderi Isroilni nega qo‘rqityapti?
Italiya sudi Quddus Isroil poytaxti emasligi haqida qaror chiqardi
Har payshanba jismoniy tarbiya va sport kuni sifatida belgilanadi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
2026 yilda bo‘lajak mundialning favoritlari reytingi taqdim etildi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
