O‘zbekiston bayrog‘ini ko‘ylak sifatida kiygan qiz tanqidlarga uchradi
O‘zbekiston Respublikasining Davlat bayrog‘i ranglari va ramzlari tushirilgan ko‘ylak kiygan model qizning suratlari ijtimoiy tarmoqlarda keskin munozaralarga sabab bo‘ldi. Ko‘plab foydalanuvchilar buni davlat ramzlariga hurmatsizlik deb baholagan, ayrimlar esa ijodiy ifoda sifatida himoya qilgan. Huquqshunoslar O‘zbekiston qonunchiligiga ko‘ra, Davlat bayrog‘idan kiyim, bezak yoki reklama materiali sifatida foydalanish taqiqlanganini ta’kidladi.
O‘zbekiston Respublikasining Davlat bayrog‘ini ko‘ylak shaklida kiygan model qizning suratlari ijtimoiy tarmoqlarda katta rezonans keltirib chiqardi. Ko‘plab foydalanuvchilar bu holatni “davlat ramzlariga nisbatan hurmatsizlik” deb baholamoqda.
Tarqalgan suratlarda model qiz bayroq ranglari va ramzlari tushirilgan matodan tikilgan ko‘ylakda kamera qarshisida bo‘lgan. Bu esa foydalanuvchilar orasida keskin fikrlar to‘qnashuviga sabab bo‘ldi — ayrimlar buni ijodiy ifoda deb himoya qilgan bo‘lsa, ko‘pchilik milliy ramzning sha’niga dog‘ tushirish deb hisoblagan.
Huquqshunoslarning ta’kidlashicha, O‘zbekiston qonunchiligiga muvofiq Davlat bayrog‘idan kiyim, bezak yoki reklama materiali sifatida foydalanish taqiqlanadi. Bayroqdan faqat rasmiy joylarda va belgilangan tartibda foydalanish mumkin.
Mutaxassislar bu kabi holatlar milliy ramzlar hurmatini pasaytirishi mumkinligini aytib, barchani davlat timsollariga nisbatan ehtiyotkorlik va mas’uliyat bilan yondashishga chaqirmoqda.
Izohlar 0
…