Saida Mirziyoyeva o‘zining rasmiy Telegram-kanalida Samarqand bo‘ylab sayohatidan o‘z taassurotlari bilan bo‘lishdi. O‘zbekiston Respublikasi Prezidentining ma'muriyat rahbari qayd etishicha, keng qamrovli restavratsiya ishlari va yangi ekspozitsiyalarni yangilash natijasida Samarqand shahridagi yodgorliklar yangi hayotga ega bo‘lgan.
“Amir Temur maqbarasi, Ulug‘bek va Tillakori madrasalari, Registon maydoni o‘z davrining asl izlarini ehtiyotkorlik bilan saqlagan holda, yangi ruh olgan”, — deya ta'kidlagan Saida Mirziyoyeva. Shuningdek, Saida Mirziyoyeva yuzlab noyob eksponatlar, jumladan Mirzo Ulug‘bekning qo‘lyozmalari va turli tarixiy arxiv hujjatlari bilan tanishgan.
Amir Temur tarixiga bag‘ishlangan arxiv hujjatlari endi multimedia shaklida taqdim etilayotgani alohida e'tiborga loyiq ekanligi qayd etildi. “Bu yer — kuch va ilhom maskani”, — deya yakunlagan so‘zini Saida Mirziyoyeva.
Ma'lum qilinishicha, yaqin kunlarda YuNESKOning Bosh konferentsiyasi mehmonlari qadimiy Samarqandni baholash imkoniga ega bo‘ladi.
Mehmon guruhidagi foydalanuvchilar ushbu nashrga izoh qoldira olmaydi.
