O'zbekiston oliy ligasidagi professional futbolchilarning maosh darajasi haqida ma'lumotlar e'lon qilindi. Bu haqda Qozog'istonning yirik sport portali 'Sports.kz' Telegram'dagi 'Green Time' kanaliga tayanib xabar berdi.
Ma'lumotlarga ko'ra, mahalliy chempionatdagi futbolchilarning daromadi raqobatbardosh hisoblanadi. O'zbekistondagi yetakchi klublarda o'yinchilarning oylik maoshi 30-40 ming AQSh dollarigacha yetishi mumkin.
Bunday yuqori darajadagi maosh ko'plab iste'dodli futbolchilarga xorijdagi kamroq moliyaviy takliflarga o'tishni ko'rib chiqmaslikka imkon beradi. Masalan, O'zbekiston tashqarisidagi o'rtacha darajadagi klublarda futbolchilarning maoshi atigi 15-20 ming dollarni tashkil etishi mumkin, bu esa mahalliy klublar taklif qilayotgan summalardan kamroqdir.
'O'zbekistondagi maoshlar yetarlicha yaxshi: top klublarda futbolchilar oyiga 30-40 ming dollar ishlab topishi mumkin. Agar o'z yurtingda ko'proq daromad qilsang, 15-20 ming dollar uchun biror joyga ketishning nima keragi bor?
Bundan tashqari, hozir ko'plab o'zbekistonlik futbolchilar arab davlatlari va Eron chempionatida o'ynamoqda. U yerda maoshlar bundan ham yuqori', — deyiladi manbada.
