Ertaga, 5 noyabr kuni, mamlakatning bir qator hududlarida yomg‘ir va qor kuzatilishi mumkin, deb xabar berdi O‘zgidromet.
Ma’lumotlarga ko‘ra, Toshkent shahrida havo o‘zgaruvchan bo‘ladi. Kechasi yomg‘ir yog‘ishi, ayrim joylarda qorga aylanishi ehtimol qilinmoqda. Kunduzi yog‘ingarchilik kutilmaydi. Harorat kechasi 0–2 daraja iliq, kunduzi 5–7 daraja atrofida bo‘ladi.
Qoraqalpog‘iston hamda Xorazm viloyatlarida havo bulutli, lekin yog‘ingarchiliksiz o‘tadi. Harorat tungi soatlarda 0–5 daraja sovuq, kunduzi esa 5–10 daraja iliq bo‘lishi kutilmoqda.
Buxoro va Navoiy viloyatlarida ham qurg‘oq va salqin ob-havo saqlanadi. Harorat kechasi 2 daraja sovuqdan 3 daraja iliqqacha, kunduzi 6–11 daraja iliq bo‘ladi.
Toshkent, Sirdaryo va Jizzaxda kechasi yomg‘ir yog‘ishi, ba’zi joylarda qorga aylanishi mumkin. Kunduzi osmon ochilib, havo 5–10 daraja iliq bo‘ladi.
Qashqadaryo va Surxondaryoda yog‘ingarchilik kutilmaydi, lekin shamol kuchayishi ehtimoldan xoli emas. Harorat kechasi 0–5 daraja iliq, kunduzi 10–15 daraja bo‘lishi prognoz qilingan.
Andijon, Namangan va Farg‘onada kechasi va ertalab yomg‘ir yog‘ishi mumkin. Ayrim joylarda qor kuzatilishi ehtimol bor. Kunduzi havo iliqlashib, harorat 5–10 daraja atrofida bo‘ladi.
Tog‘li hududlarda esa havo sovuq va nam bo‘ladi. Ayrim joylarda qor yog‘ishi va tuman tushishi mumkin. Harorat kechasi 5–10 daraja sovuq, kunduzi esa 0 daraja atrofida bo‘lishi kutilmoqda.
Mutaxassislar fuqarolarni havo sovuqlashishi munosabati bilan ehtiyotkor bo‘lishga, uzoq safarlarga chiqishda ehtiyot choralarini ko‘rishga chaqirmoqda.
“Zamin”ni Telegramʻda oʻqing!
