Bundesliganing 16-turida «Bavariya» Myunxenda «Volfsburg»ni ishonchli tarzda mag'lub etdi — 8:1. Vensan Kompani jamoasi uchrashuv davomida o'yinni to'liq nazorat qildi va tashabbusni ilk daqiqalardanoq o'z qo'liga oldi. Bu haqda kursiv.uz xabar beradi.
Hisob tezda ochildi: mehmonlar himoyachisining avtogoli bahs ohangini belgilab berdi. Biroq «Volfsburg» uzoqqa cho'zilmagan qarshi javob qaytardi — Jenan Peychinovich aniq zarbasi bilan hisobni tenglashtirdi. Shundan so'ng myunxenliklar sur'atni yanada oshirdi va tanaffusgacha Luis Dias «Bavariya»ni yana oldinga olib chiqdi.
Ikkinchi bo'limda mezbonlarning ustunligi mutlaq ko'rinish oldi. Maykl Olise dubl qayd etdi, Garri Keyn esa gol urib, yana bir vaziyatda assist muallifi bo'ldi. Shuningdek, Rafael Gerreyru va Leon Goretska ham to'p kiritdi. Ustiga-ustak, «Volfsburg» yana bir bor o'z darvozasiga gol o'tkazib yubordi.
Mehmonlar bu o'yinda kurashni keskinlashtira olmadi: asosan himoyaga tayanib harakat qildi, «Bavariya» esa maydonda to'liq ustunlikni saqlab qoldi.
“Zamin”ni Telegramʻda oʻqing!
