Myunxenning «Bavariya» klubi darvozaboni Manuel Noyer jamoadoshi Maykl Olisening jamoa safidagi o'yinlari haqida fikr bildirdi. Bu haqda euro-football.ru xabar beradi.
Yakshanba kuni «Bavariya» Bundesliga doirasida o'z maydonida «Volfsburg»ni yirik hisobda taslim etdi — 8:1. Fransuz vinger bu uchrashuvda ikki gol urdi va yana bir assistni o'z hisobiga yozdirib qo'ydi.
«Maykl “Bavariya”da futbol o'ynashdan rohat olmoqda. U juda kreativ futbolchi, doim xavfli vaziyatlar yaratadi. Jamoada o'zini yaxshi his qilyapti. Jamal Musiala qaytganidan keyin Olise yonida yana bir a'lo darajada tushunadigan sherigi bo'ladi. U biz uchun muhim rol o'ynayapti», — deya Noyer so'zlarini keltiradi «Gazeta.Ru».
16 turdan so'ng «Bavariya» Bundesliga jadvalida peshqadamlik qilmoqda va «Borussiya» Dortmundni 11 ochkoga ortda qoldiryapti.
“Zamin”ni Telegramʻda oʻqing!
