Moskvaning «Dinamo» klubida to‘p surgan Sebastian Shimanski faoliyatini Fransiyaning «Renn» jamoasida davom ettiradi. Bu haqda euro-football.ru xabar beradi.
Transfermarkt ma’lumotiga ko‘ra, fransuz klubi Turkiyaning «Fenerbahche»sida o‘ynab kelgan futbolchi uchun 9,5 million yevro to‘lagan.
2025/2026 yilgi mavsumda Shimanski barcha turnirlarda 26 uchrashuvda maydonga tushib, 2 ta gol urdi va yana 2 ta golli uzatma amalga oshirdi.
26 yoshli yarim himoyachi bilan shartnoma 2029 yil 30 iyungacha mo‘ljallangan. Uning transfer qiymati 12 million yevroga baholanmoqda.
Hozir Shimanski jarohatdan tiklanmoqda: futbolchida chov sohasida cho‘zilish bor. Uning maydonga qachon qaytishi bo‘yicha aniq muddatlar hozircha ma’lum emas.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
