Al-Nasr Ronaldu Saudiya Arabistonida qolishi uchun reja tuzdi
73
Portugaliyalik hujumchi Krishtianu Ronaldu 2027 yil yozida, amaldagi shartnomasi yakunlangach, «Al-Nasr»ni tark etishni rejalashtirmoqda. Bu haqda euro-football.ru xabar beradi.
Jurnalist Ben Jeykobs bergan ma’lumotga ko‘ra, Saudiya Arabistoni Ronaldu mamlakatda qolishi uchun unga klub egasi sifatida yangi rol taklif qilish variantini ko‘rib chiqmoqda. Xususan, «Al-Nasr»dagi hozirgi ulushini 15 foizgacha oshirish orqali yulduzni Saudiya futbolida ushlab qolish mumkinligi aytilmoqda. Liga rahbariyati Ronaldu ketgan taqdirda global qiziqish keskin pasayib ketmasligi uchun turli ssenariylarni o‘rganmoqda.
Ronaldu 2023 yilda «Al-Nasr»ga erkin agent maqomida kelib qo‘shilgandi. Joriy mavsumda u Saudiya klubi safida 20 o‘yinda maydonga tushib, 17 ta gol urdi va 3 ta golli uzatma berdi.
“Zamin”ni Telegramʻda oʻqing! 
