O'zbekiston xalqaro hamkorlik aloqalarini kengaytirishda davom etmoqda. 2026 yil 22 aprel kuni Nyu-York shahrida O'zbekistonning BMTdagi doimiy vakili Ulug'bek Lapasov hamda Gvineya-Bisau missiyasi rahbari Samba Sane ikki davlat o'rtasida diplomatik munosabatlar o'rnatish to'g'risidagi qo'shma kommyunikeni imzoladi. Bu haqda Uzdaily.uz xabar beradi.
Tantanali marosim davomida tomonlar Birlashgan Millatlar Tashkiloti va uning ixtisoslashgan muassasalari doirasida o'zaro manfaatli hamkorlikni rivojlantirishga tayyor ekanliklarini tasdiqladi. Shuningdek, ikki tomonlama muloqotni faollashtirish va hamkorlikning istiqbolli yo'nalishlarini belgilash bo'yicha kelishuvga erishildi.
Gvineya-Bisau Respublikasi O'zbekiston rasmiy diplomatik aloqalar o'rnatgan 168-davlatga aylandi. Bu qadam mamlakatning tashqi siyosiy aloqalarini izchil ravishda mustahkamlab borayotganidan dalolat beradi.
“Zamin”ni Telegramʻda oʻqing!
