Norvegiyaning “Budo-Glimt” klubi darvozaboni Nikita Haykin “Manchester Siti”ga qarshi kutilmagan g'alaba haqida fikr bildirdi. Bu haqda euro-football.ru xabar beradi.
Chempionlar Ligasi umumiy bosqichining 7-turida norveglar ingliz grandini 3:1 hisobida mag'lub etdi.
Haykinning aytishicha, o'yindan keyin ham jamoa o'zlari XXI asr futbol industriyasidagi eng kuchli tizimlardan birini yengganini darhol anglab yetmagan. U bu bahs nafaqat klub, balki barcha norveglar va umuman Norvegiya sporti uchun tarixiy voqea bo'lganini ta'kidladi.
Darvozabon bu natijani o'z faoliyatidagi eng muhim g'alabalardan biri sifatida ham qayd etdi.
Hozirda “Budo-Glimt” Chempionlar Ligasi turnir jadvalida 6 ochko bilan 28-o'rinda bormoqda.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
