«Manchester Siti» bosh murabbiyi Xosep Gvardiola Chempionlar ligasida «Galatasaroy»ga qarshi bo'ladigan navbatdagi uchrashuvda jamoaga yordam bera olmaydigan futbolchilar ro'yxatini ma'lum qildi. Bu haqda euro-football.ru xabar beradi.
Mutaxassisning aytishicha, Mark Gexi, Antuan Semenyo va Rodri bu o'yinda maydonga tusha olmaydi. Shuningdek, Niko Gonsales, Savio hamda Jon Stouns ham uchrashuvga tayyor bo'lmaydi. Gvardiola jarohatlar va tayyorgarlik muammolari sabab ro'yxat ancha uzunligini ta'kidladi.
Murabbiy jamoa hozircha kuchli sakkizlikdan tashqarida ekanini eslatib, muxlislar qo'llab-quvvatlashi «Siti»ga top-8ga kirish uchun zarur turtki berishiga umid bildirdi.
Gvardiola bu masalada hammasi faqat «Manchester Siti»ning o'ziga bog'liq emasligini, biroq sakkizlikka da'vo qilish uchun avvalo o'z uchrashuvida albatta g'alaba qozonish kerakligini qayd etdi.
Chempionlar ligasi umumiy bosqichining so'nggi turi doirasidagi «Manchester Siti» — «Galatasaroy» o'yini 28 yanvar kuni 01:00 da (Toshkent vaqti bilan) start oladi.
“Zamin”ni Telegramʻda oʻqing!
