Turinning «Yuventus» klubi va Fransiya terma jamoasining sobiq hujumchisi David Trezege yana Argentinaga qaytdi. U avvalroq «River Pleyt» safida ham to‘p surib, hatto mamlakat ikkinchi ligasida chempion bo‘lishni ham uddalagan edi. Bu haqda euro-football.ru xabar beradi.
Endi esa Trezege futbolchilik emas, boshqaruv yo‘nalishida «River Pleyt»ga xizmat qiladi — u klubning rahbariyat tarkibiga qo‘shilmoqda.
Trezening klubdagi aniq lavozimi hozircha rasman ochiqlanmadi. Shunga qaramay, «River Pleyt» uni butun rahbariyat ishtirokida taqdim etdi va u strategik masalalar bilan shug‘ullanishi hamda klubni institutsional darajada vakillik qilishi ma’lum qilindi.
Eslatib o‘tamiz, fransuz futbolchi professional faoliyatini 2015 yilda yakunlagan.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
