Xomanaiy: Eron Fors ko‘rfazi ustidan nazoratni kuchaytiradi

Eron Oliy rahnamosi Mujtabo Xomanaiy mamlakat Hormuz bo‘g‘ozi va Fors ko‘rfazi hududida o‘z ta’sirini saqlab qolish va mustahkamlash niyatida ekanini bildirdi.

U ushbu bayonotni 30 aprel kuni Fors ko‘rfazi kuni munosabati bilan yo‘llagan murojaatida ma’lum qilgan. Xomanaiyga ko‘ra, Tehron mintaqada dengiz xavfsizligini mustaqil ravishda ta’minlash imkoniyatiga ega va bu borada tashqi kuchlar ishtirokiga ehtiyoj sezmaydi.

“Eron o‘zining amaliy imkoniyatlariga tayanib, Hormuz bo‘g‘ozi ustidan nazoratni ta’minlay oladi. Bu orqali Fors ko‘rfazi mintaqasida barqarorlikni mustahkamlash va dushmanlarning salbiy harakatlariga chek qo‘yish mumkin”, — deya ta’kidlagan u.

Shuningdek, u AQSH ishtirokisiz ham mintaqa xavfsizligini ta’minlash mumkinligini qayd etib, bunday sharoitda Fors ko‘rfazini “yanada barqaror va istiqbolli kelajak” kutayotganini bildirgan.

Charos Zarqarayeva

«ZAMIN.UZ» muharriri

+ Zamin.uz saytini Google'ga qo'shing