Kenan Yildiz «Yuventus» safida «Napoli» darvozasiga kiritilgan uch golning biriga mualliflik qildi. Biroq uchrashuv Luciano Spalletti boshqaruvidagi jamoaning yirik hisobdagi g‘alabasi bilan yakunlandi — 3:0. Bu haqda euro-football.ru xabar beradi.
Opta ma’lumotiga ko‘ra, 20 yoshli turkiyalik hujumchi g‘alaba uchun uch ochko beriladigan davrda A Seriyasining bir mavsumida «Napoli»ga qarshi har ikki o‘yinda ham «Yuventus» safida gol urgan bor-yo‘g‘i beshinchi futbolchiga aylandi. Avvalroq bunday natijani Krishtianu Ronaldu (2019/20), Alessandro del Pyero (2000/01), Darko Kovachevich (2000/01) va Fabritsio Ravanelli (1994/95) qayd etgan.
Joriy mavsumda Yildiz Italiya chempionatida jami sakkiz gol urdi, shuningdek, u jamoadoshlariga to‘rt bor golli uzatma ham berdi.
“Zamin”ni Telegramʻda oʻqing!
