Rossiya terma jamoasining sobiq yarim himoyachisi Aleksandr Mostovoy UEFA Chempionlar ligasi pley-off bosqichi uchun qur’a natijalariga munosabat bildirdi. Juftliklardan biri fransuz klublari o‘rtasida kechadi: «PSJ» va «Monako» o‘zaro to‘qnash keladi. Bu haqda euro-football.ru xabar beradi.
Mostovoy Aleksandr Golovin va Matvey Safonovning ehtimoliy qarama-qarshiligini ortiqcha shov-shuvga aylantirmaslik kerakligini ta’kidladi. Uning aytishicha, Golovin muntazam maydonga tushayotgan bo‘lsa, Safonov esa bir o‘ynab, keyingi uchrashuvlarda zaxirada qolib ketishi mumkin. Shuningdek, u «PSJ» darvozabonlar raqobatida Shevalye ham bejizga turmaganini, u ham o‘ynashni istashini eslatdi.
Mostovoy fikricha, bu juftlikda «PSJ» favorit sanaladi, biroq «Monako» kutilmagan natija ko‘rsatib, sensatsiya taqdim etishi ham ehtimoldan xoli emas.
“Zamin”ni Telegramʻda oʻqing!
