"Bavariya" klubi o'zining yangi uy libosini rasman taqdim etdi. Bu haqda Goal.com xabar beradi.
Taqdimot kampaniyasida jamoa hujumchisi Harri Kane asosiy yuz sifatida ishtirok etdi. Yangi qizil-oq libos "adidas" kompaniyasi tomonidan ishlab chiqarilgan bo'lib, an'anaviy ranglar va zamonaviy dizaynni o'zida jamlagan.
Klub matbuot xizmati xabariga ko'ra, ushbu libos ilk bor 6 may kuni "PSJ"ga qarshi Chempionlar ligasi yarim final javob uchrashuvida kiyiladi. "Alyans Arena"da o'tadigan bahsda nemis klubi yangi qiyofada maydonga tushadi.
Vinsent Kompani shogirdlari Parijdagi dastlabki o'yinda 5:4 hisobida imkoniyatni boy bergan edi. Endilikda jamoa Yevropa maydonlaridagi muvaffaqiyatni asosiy maqsad qilib qo'ygan.
Joriy mavsumda barcha musobaqalarda 47 ta o'yinda 54 ta gol urgan Kane jamoaning asosiy yetakchisi hisoblanadi. Libos taqdimotida undan tashqari Joshua Kimmix va Maykl Olis kabi futbolchilar ham qatnashdi.
“Zamin”ni Telegramʻda oʻqing!
