Dreame Technology asoschisi va bosh direktori Yu Xao kompaniya smartfonlar bozorida yetakchilik qilish niyatida ekanligini ma'lum qildi. Uning ta'kidlashicha, Apple innovatsiyalarni joriy etishni to'xtatgan. Bu haqda Ixbt.com xabar beradi.
Yu Xao Weibo tarmog'ida foydalanuvchilar bilan faol muloqot qilib, iPhone kamchiliklari haqida fikr yig'moqda. U Dreame Stiv Jobs merosini davom ettirib, Apple kompaniyasini ortda qoldirishini aytdi.
O'tgan haftada Dreame Ispaniyada yangi Aurora liniyasidagi smartfonlar prototiplarini namoyish etdi. Asosiy yangilik sifatida g'ayrioddiy konsepsiyaga ega Aurora Nex LS1 texnologik flagmani taqdim etildi.
Joriy yilning yanvar oyida Dreame mobil telefonlarni ishlab chiqish jamoasi Janubi-g'arbiy Yevropa distribyutorlari konferensiyasida o'zining yuqori darajadagi va modulli seriyalarini ko'rsatgan edi. Rasmiy taqdimotda keng turdagi aksessuarlarga ega modulli telefon namoyish etildi.
“Zamin”ni Telegramʻda oʻqing!
