"AvtoVAZ" "Lada Azimut" ishlab chiqarish uchun zavodni modernizatsiya qilmoqda
"AvtoVAZ" korxonasi "Lada Azimut" modelini ishlab chiqarish uchun zavodni modernizatsiya qilmoqda. Modernizatsiya ishlari may oyida boshlanib, yaqin haftalarda yakunlanishi rejalashtirilgan. Zavodda 500 million rubldan ortiq mablag' sarflanadi va yangi uskunalar o'rnatiladi. "Lada Azimut" krossoverining seriyali ishlab chiqarilishi sentyabr oyida boshlanadi va sotuvlar 2026 yilning to'rtinchi choragida boshlanadi.
"AvtoVAZ" korxonasi may oyidagi ta'tildan foydalanib, yangi "Lada Azimut" modelini ishlab chiqarishga tayyorgarlik ko'rmoqda. Modernizatsiya ishlari boshlangan bo'lib, yaqin haftalarda yakunlanishi rejalashtirilgan. Bu haqda Ixbt.com xabar beradi.
Zavod xodimlari 1-13 may kunlari ta'tilda bo'ladi. 14-15 may kunlari esa modernizatsiyaga jalb etilmagan xodimlar maoshi saqlangan holda vaqtinchalik ishlamaydi.
Shundan so'ng korxona bosqichma-bosqich ish faoliyatiga qaytadi.
Tolyattidagi ishlab chiqarishni yangilash uchun 500 million rubldan ortiq mablag' yo'naltiriladi. Asosiy e'tibor "Lada Azimut" uchun yangi uskunalarni o'rnatish va "Lada Niva" yig'ish liniyasini modernizatsiya qilishga qaratilgan.
Dvigatel ishlab chiqarish ham yangilanmoqda. 1,6 va 1,8 litrli dvigatellarni tayyorlash uchun yangi markazlar ishga tushiriladi.
Barcha ishlarni 2026 yil 18-maygacha yakunlash rejalashtirilgan.
"Lada Azimut" krossoverining seriyali ishlab chiqarilishi sentyabr oyida boshlanishi kutilmoqda. Sotuvlar esa 2026-yilning to'rtinchi choragida start oladi.
Avtomobil narxi 2,2 milliondan 2,5 million rublgacha bo'lishi taxmin qilinmoqda.
Izohlar 0
…