Argentina futbol assotsiatsiyasi mahalliy klublardan iqtidorli yoshlar chetga oqib ketishini kamaytirish uchun yangi tartib joriy qildi. Bu haqda The Athletic nashri yozdi. Bu haqda euro-football.ru xabar beradi.
Endi Argentina klubida professional shartnoma imzolamasdan turib xorijga yo'l olgan futbolchilar milliy jamoalarga chaqirilmasligi mumkin.
Mamlakatda amal qiladigan «patria potestad» qonuni ota-onalarga farzandini chet el klublariga kompensatsiyasiz o'tkazish imkonini beradi. Assotsiatsiya bunday ko'chishni taqiqlay olmaydi, biroq terma jamoada o'ynash huquqidan mahrum bo'lish xavfi erta yoshdagi transferlarni kamaytirishiga umid qilmoqda.
Qayd etilishicha, agar bu qoida avvalroq kuchga kirganida, Lionel Messi, Emiliano Martines va «albiseleste»dagi yana bir nechta hozirgi futbolchi xalqaro maydonda Argentina emas, boshqa terma jamoani tanlashga majbur bo'lishi mumkin edi.
“Zamin”ni Telegramʻda oʻqing!
