Аргентина футбол ассоциацияси маҳаллий клублардан иқтидорли ёшлар четга оқиб кетишини камайтириш учун янги тартиб жорий қилди. Бу ҳақда The Athletic нашри ёзди. Бу ҳақда euro-football.ru хабар беради.
Энди Аргентина клубида профессионал шартнома имзоламасдан туриб хорижга йўл олган футболчилар миллий жамоаларга чақирилмаслиги мумкин.
Мамлакатда амал қиладиган «patria potestad» қонуни ота-оналарга фарзандини чет эл клубларига компенсациясиз ўтказиш имконини беради. Ассоциация бундай кўчишни тақиқлай олмайди, бироқ терма жамоада ўйнаш ҳуқуқидан маҳрум бўлиш хавфи эрта ёшдаги трансферларни камайтиришга умид қилмоқда.
Қайд этилишича, агар бу қоида аввалроқ кучга кирганида, Лионель Месси, Эмилиано Мартинес ва «альбиселесте»даги яна бир нечта ҳозирги футболчи халқаро майдонда Аргентина эмас, бошқа терма жамоани танлашга мажбур бўлиши мумкин эди.
“Zamin”ни Telegram'да ўқинг!
