Ilon Mask 839 mlrd dollar bilan dunyoning eng boy odamiga aylandi
"Forbes" nashrining yangilangan reytingiga ko'ra, Ilon Mask 839 milliard dollar boylik bilan dunyoning eng boy odamiga aylandi. Kuchli beshlikdan, shuningdek, Larri Peyj, Sergey Brin, Jyeff Bezos va Mark Sukerberg kabi milliarderlar joy olgan. Biroq Mask ulkan daromadiga qaramay, xayriya ishlarida eng kam mablag' sarflaydigan boylardan biri sifatida qayd etildi. Hisob-kitoblarga ko'ra, u o'zining ulkan boyligidan atigi 0,06 foizini muhtojlarga yordam uchun yo'naltirgan.
"Forbes" nashri dunyoning eng boy odamlari reytingini yangiladi. Ro'yxatda Ilon Mask 839 mlrd dollar boylik bilan katta farq bilan peshqadamlik qilmoqda. Bu haqda Ixbt.com xabar beradi.
Undan keyingi o'rinlarni Larri Peyj (257 mlrd), Sergey Brin (237 mlrd), Jeff Bezos (224 mlrd) va Mark Sukerberg (222 mlrd) egalladi. Dunyoning eng boy besh kishisining umumiy mablag'i 1,8 trln dollarga yaqinlashmoqda.
Tadqiqot natijalariga ko'ra, Mask sayyoradagi eng boy inson bo'lishiga qaramay, xayriya masalasida eng sustkash milliarderlar qatoriga kiradi. U o'zining xayriya jamg'armalariga 8,5 mlrd dollar miqdoridagi "Tesla" aksiyalarini o'tkazgan bo'lsa-da, bu mablag'larning deyarli barchasi hali ham harakatsiz yotibdi.
Hisob-kitoblarga ko'ra, Mask o'zining ulkan boyligidan atigi 500 mln dollarini yoki umumiy mablag'ining 0,06 foizini muhtojlarga tarqatgan. Bu ko'rsatkich uni dunyodagi eng kam xayriya qiluvchi milliarderlardan biriga aylantirmoqda.
Izohlar 0
…