Yozda tonirovka narxi 412 ming so'mga tushishi haqidagi xabarlar rad etildi
Ijtimoiy tarmoqlarda yoz mavsumida avtomobil oynalarini qoraytirish (tonirovka) narxi 412 ming so‘mga tushishi haqida tarqalgan xabarlar Yo‘l harakati xavfsizligi xizmati tomonidan rasman rad etildi. Amaldagi qonunchilikka ko‘ra, ruxsatnoma to‘lovi bazaviy hisoblash miqdorining 8 baravari, ya’ni 3 296 000 so‘m miqdorida o‘zgarishsiz qolmoqda. Soha mutaxassislari ushbu tartibga hech qanday o‘zgartirish kiritilmaganini ta’kidlab, fuqarolarni yolg‘on ma’lumotlarga ishonmaslikka va faqat rasmiy manbalarga tayanishga chaqirdi.
Ijtimoiy tarmoqlarda yoz mavsumi uchun avtomobil oynalarini qoraytirish ruxsatnomasi narxi 412 000 so'mga tushishi haqida tarqalgan xabarlar haqiqatga to'g'ri kelmaydi. Yo'l harakati xavfsizligi xizmati vakili ushbu ma'lumotlarni rasman rad etdi.
Vazirlar Mahkamasining 2018 yil 18 iyuldagi 547-sonli qaroriga muvofiq, transport vositasi oynalarining tusini o'zgartirish uchun ruxsatnoma bazaviy hisoblash miqdorining sakkiz barobari miqdorida belgilangan. Hozirgi kunda ushbu to'lov miqdori 3 296 000 so'mni tashkil etadi.
Soha mutaxassisining ta'kidlashicha, amaldagi tartibga hech qanday o'zgartirish kiritilmagan. Norasmiy kanallarda tarqalayotgan arzonlashtirilgan narxlar haqidagi ma'lumotlar yolg'on hisoblanadi va fuqarolardan faqat rasmiy manbalarga ishonish so'raladi.
Izohlar 0
…