"Bavariya" bosh murabbiyi Vensan Kompani Bundesligada bir mavsumdagi gollar bo'yicha mumkin bo'lgan rekord mavzusiga munosabat bildirdi. Bu haqda euro-football.ru xabar beradi.
Myunxen klubi bu mavsum hujumda nihoyatda sermahsul o'ynamoqda: 21-turdan keyin jamoa 79 ta gol urdi. Chempionatning amaldagi eng yuqori natijasi esa 101 golni tashkil qiladi.
"Bu men uchun ustuvor vazifa emas. Ammo, albatta, biz hujumda o'zimizni ko'rsatishni va ko'p gol urishni xohlaymiz — 'Bavariya' maqomi shuni talab qiladi, muxlislar ham shuni kutadi. Bu bizning kuchli tomonimiz. Men uchun eng muhimi — istalgan lahzada gol ura olishimizni his qilish. Hozir yigitlar bu borada juda yaxshi ishlashyapti", — dedi Kompani matbuot anjumanida.
Yakshanba kuni "Bavariya" navbatdagi yirik g'alabasini qayd etdi: jamoa "Xoffenxaym"ni 5:1 hisobida mag'lub etdi.
“Zamin”ni Telegramʻda oʻqing!
