28-aprelda Chevrolet Cobalt uchun onlayn shartnoma ochiladi
28-aprel kuni soat 10:00 dan boshlab Chevrolet Cobalt avtomobilining barcha komplektatsiyalari uchun onlayn shartnoma berish jarayoni boshlanadi. Xaridorlar shartnomalarni UzAutoSavdo sayti, mobil ilovasi yoki rasmiy dilerlik markazlari orqali masofaviy tarzda rasmiylashtirishlari mumkin. Rasmiylashtirilgan shartnomalar bo‘yicha to‘lovlar 7 kalendar kuni ichida amalga oshirilishi shart, aks holda ular bekor qilinadi. Shuningdek, maxsus Telegram bot orqali navbatlarni kuzatish va sotuvdagi avtomobillar haqida ma’lumot olish imkoniyati mavjud.
O'zbekistonda Chevrolet Cobalt avtomobillariga bo'lgan yuqori talabni inobatga olgan holda, 28 aprel kuni soat 10:00 dan boshlab barcha komplektatsiyalar uchun onlayn kontraktatsiya jarayoni yo'lga qo'yiladi. Mijozlar ushbu model uchun shartnomalarni masofaviy tarzda rasmiylashtirish imkoniyatiga ega bo'ladilar.
Avtomobil xarid qilish istagida bo'lgan fuqarolar shartnomalarni UzAutoSavdo sayti orqali onlayn tarzda yoki rasmiy dilerlik markazlariga bevosita murojaat qilgan holda olishlari mumkin. Shuningdek, UzAvtoSavdo mobil ilovasi va maxsus Telegram bot xizmati orqali navbatlarni kuzatish hamda sotuvda mavjud bo'lgan avtomobillar haqida tezkor ma'lumotlarni olish imkoniyati yaratilgan.
Kompaniya tomonidan taqdim etilgan ma'lumotlarga ko'ra, rasmiylashtirilgan shartnomalar bo'yicha to'lovlar 7 kalendar kuni ichida amalga oshirilishi shart. Belgilangan muddatda to'lovi amalga oshirilmagan shartnomalar bekor qilinishi ko'zda tutilgan.
Izohlar 0
…