Turkiyaning “Kayserispor” klubida to‘p surayotgan rossiyalik yarim himoyachi Denis Makarov jarohat olib, noma’lum muddatga maydonga tusha olmaydi. Bu haqda klub matbuot xizmati ma’lum qildi. Bu haqda euro-football.ru xabar beradi.
Tekshiruvlar natijasida futbolchining o‘ng sonining yuqori qismidagi mushaklar guruhida yengil shikast va shish aniqlangani qayd etildi. Hozirda Makarov davolanishni davom ettirmoqda.
Makarov “Kayserispor” safidagi ilk o‘yinini 3 fevral kuni “Galatasaray”ga qarshi bahsda o‘tkazdi va uchrashuv 0:4 hisobida yakunlandi. Jamoa turnir jadvalida 17-o‘rinda bormoqda hamda ligada qolish uchun kurash olib boryapti. Futbolchi bundan avval Moskvaning “Dinamo” klubida o‘ynagan va u yerdan erkin agent sifatida ketgandi.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
