World Boxing kubogi. Bokschi qizlarimiz bugun oʻz ishtirokini boshlaydi
Braziliyaning Foz de Iguasu shahrida o‘tayotgan World Boxing Cup musobaqasining navbatdagi kunida O‘zbekiston ayollar terma jamoasi a’zolari o‘z ishtirokini boshlaydi. Bugungi dasturda Feruza Kazakova, Farzona Fozilova va Navbahor Hamidova kabi bokschilarimiz nimchorak hamda chorak final bosqichlarida g‘alaba uchun ringga ko‘tariladilar. Janglar Toshkent vaqti bilan soat 19:15 dan boshlanib, tungi soat 02:45 ga qadar davom etishi rejalashtirilgan. O‘zbekiston boks federatsiyasi sportchilarimizning medallar uchun kurashishga va yuqori natijalar qayd etishga to‘liq tayyor ekanligini ta’kidlamoqda.
Ayni damda World Boxing Cupning birinchi bosqich bahslari Braziliyaning Foz de Iguasu shahrida qizgʻin tarzda davom etmoqda. Musobaqaning navbatdagi kunida Oʻzbekiston ayollar terma jamoasi vakilalari oʻz ishtiroklarini boshlaydi va hal qiluvchi bosqichlarga yoʻl olish uchun ringga koʻtariladi.
Bugungi dasturda bir nechta muhim janglar belgilangan boʻlib, qizlarimiz turli vazn toifalarida kuch sinashadi. Ular orasida nimchorak final va chorak final bosqichidagi qarama-qarshiliklar ham bor.
-51 kg vazn toifasida Feruza Kazakova Germaniya vakili Maxi Klotzerga qarshi nimchorak final jangini oʻtkazadi. Ushbu bellashuv Toshkent vaqti bilan soat 19:15 da start oladi.
-48 kg vaznda Farzona Fozilova Marokash bokschisi Vissal Faxirga qarshi chorak finalda ringga chiqadi. Bu jang tungi soat 01:00 ga belgilangan boʻlib, gʻoliba yarim finalga yoʻl oladi.
Yana bir qiziqarli bahs -65 kg vaznda boʻlib oʻtadi. Unda Navbahor Hamidova Shveysariyalik Anna Jenniga qarshi nimchorak finalda ishtirok etadi. Bu uchrashuv 02:45 da boshlanishi rejalashtirilgan.
Maʼlum qilinishicha, kun davomidagi janglar Toshkent vaqti bilan 19:00 hamda tungi 01:00 dan boshlanadi. Bu bellashuvlar nafaqat sportchilarimiz uchun, balki muxlislar uchun ham katta qiziqish uygʻotmoqda.
Oʻzbekiston boks federatsiyasi maʼlumotiga koʻra, jamoa yuqori natijalarga erishish va medallar uchun kurashish maqsadida puxta tayyorgarlik koʻrgan. Endi esa barcha eʼtibor ringdagi natijalarga qaratilgan — kim oldinga qadam tashlaydi, kim musobaqani tark etadi, buni janglar hal qiladi.
Izohlar 0
…