Krishtianu Ronaldu murabbiy bilan kelishuvga ko‘ra OFK Chempionlar ligasi 2 guruh bosqichi uchrashuvlarida maydonga tushmayapti. Shunga qaramay, “Al-Nasr” yetakchisisiz ham ishonchli o‘yin ko‘rsatmoqda. Bu haqda euro-football.ru xabar beradi.
Saudiya klubi chorshanba kuni guruhdagi beshinchi o‘yinini ham yutdi: Tojikistonda “Istiqlol” 4:0 hisobida yirik mag‘lub etildi. Shu natija “Al-Nasr”ga guruhni 5 o‘yindan 5 g‘alaba bilan yakunlash imkonini berdi.
O‘yindan keyin Ronaldu ijtimoiy tarmoqlarda jamoaning birinchi o‘rin bilan keyingi bosqichga chiqqani haqidagi postni ulashdi va unga ikki emoji — olov hamda qarsaklar belgisini qo‘shdi.
40 yoshli hujumchining “Al-Nasr” bilan amaldagi shartnomasi 2027 yilning o‘rtalarigacha mo‘ljallangan.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
