Rossiyaning RCI Service tyuning kompaniyasi Lada Iskra modelining birinchi turbosini yaratganini eʼlon qildi. Standart holatda avtomobil 106 ot kuchiga ega 1,6 litrli atmosfera dvigateli va 6 pogʻonali mexanik uzatmalar qutisi bilan jihozlangan boʻlib, 100 km/soat tezlikka 12,6 soniyada erishadi. Bu haqda Ixbt.com xabar beradi.
Mutaxassislar tomonidan oʻrnatilgan maxsus turbokomplekt yordamida dvigatel quvvati 160 ot kuchigacha, aylanish momenti esa 240 Nm gacha oshirildi. Garrett-1752 turbinasi oʻrnatilgandan soʻng, avtomobilning 100 km/soat tezlikka chiqish vaqti 7,5–8 soniyagacha qisqardi, maksimal tezlik esa 210 km/soatni tashkil etadi.
Loyihada zanglamaydigan poʻlatdan yasalgan chiqarish kollektori, kuchaytirilgan sovutish tizimi va modernizatsiya qilingan tormoz tizimi qoʻllanilgan. Tyuning jarayoni atigi toʻrt kun davom etgan boʻlib, u dvigatelning dinamikasi va elastikligini sezilarli darajada yaxshilashga imkon berdi.
Eslatib oʻtamiz, Lada Iskra modeli bozorda muvaffaqiyat qozonmoqda: aprel oyida 3212 dona avtomobil sotilgan. Model zamonaviy Lada EnjoY Evo multimedia tizimi, Yandex servislari, LED optikasi va elektron barqarorlashtirish tizimi (ESP) kabi qulayliklar bilan jihozlangan.
“Zamin”ni Telegramʻda oʻqing!
