Angliya terma jamoasi bosh murabbiyi Tomas Tuhel shartnomasini uzaytirdi. Germaniyalik mutaxassis bilan tuzilgan yangi kelishuv 2028 yilgacha amal qiladi. Bu haqda euro-football.ru xabar beradi.
Tuhelning aytishicha, u Angliya termasini boshqarish istagini anchadan beri ichida saqlab kelgan. 2021 yilda «Chelsi»ni boshqargan paytida Yevropa chempionati o‘yinlari fonida «Uembli»dagi muhit uni alohida hayajonga solgan: stadiondagi energiya va butun mamlakatning jo‘shqini murabbiyda katta taassurot qoldirgan.
«O‘shanda vakilimga qo‘ng‘iroq qilib: “Vau, bu mening orzum! «Chelsi» bilan barcha sovrinlarni yutaman, keyin esa Angliya terma jamoasida ishlashni xohlayman”, degandim», — deya murabbiy so‘zlarini keltiradi “uch sher” matbuot xizmati.
Eslatib o‘tamiz, Tomas Tuhel «Chelsi»ni 2021 yil yanvaridan 2022 yil sentyabrigacha boshqargan. Angliya terma jamoasidagi lavozimga esa u 2025 yil boshida tayinlangan.
“Zamin”ni Telegramʻda oʻqing!
