Abduqodir Husanov "Manchester Siti" safida oʻyinning eng yaxshi himoyachisi boʻldi
Abduqodir Husanov "Manchester Siti" tarkibida "Bernli"ga qarshi o'yinda asosiy tarkibda maydonga tushib, 7.8 ball bilan jamoasining eng yaxshi futbolchisi deb topildi. Uchrashuvda "shaharliklar" 1:0 hisobida g'alaba qozongan bo'lsa-da, hamyurtimizning reytingi hatto gol muallifi Erling Xoland va boshqa yulduzlarnikidan ham yuqori bo'ldi. Husanov himoyadagi mustahkamligi va hujumlarni tashkil etishdagi faolligi bilan Pep Gvardiola tizimiga to'liq moslashganini namoyish etdi. Ushbu ko'rsatkich o'zbekistonlik himoyachining Angliya Premyer-ligasidagi yuqori darajadagi barqarorligidan dalolat beradi.
Angliya Premer-ligasining 34-turi doirasida boʻlib oʻtgan "Bernli" va "Manchester Siti" uchrashuvida hamyurtimiz Abduqodir Husanov asosiy tarkibda maydonga tushdi. "Shaharliklar"ning 1:0 hisobidagi gʻalabasi bilan yakunlangan bahsda gol muallifi Erling Xoland (7.6) boʻlishiga qaramay, himoya chizigʻida Husanov haqiqiy yetakchilikni namoyish etdi. Uchrashuv yakunlariga koʻra, Abduqodir 7.8 ball bilan jamoasining eng yuqori reytingli oʻyinchisiga aylandi.
Husanov oʻyin davomida nafaqat himoyadagi mustahkamligi, balki hujumlarni tashkil qilishdagi faolligi bilan ham ajralib turdi. Uning reytingi (7.8) hatto jamoa sardori Bernardu Silva (7.1) va darvozabon Janluiji Donnarumma (7.3) kabi yulduzlarnikidan ham yuqori boʻldi. Bu koʻrsatkich oʻzbekistonlik himoyachining Pep Gvardiola tizimiga toʻliq moslashganidan va Premer-ligada yuqori darajadagi barqarorlikni saqlab qolayotganidan dalolat beradi.
Izohlar 0
…