"Manchester Siti" safarda "Bernli"ni magʻlub etib, peshqadamlikni mustahkamladi
"Manchester Siti" Angliya Premyer-ligasi doirasida safarda "Bernli" ustidan 1:0 hisobida g'alaba qozondi. Uchrashuvdagi yagona golni 5-daqiqadayoq norvegiyalik hujumchi Erling Xoland raqib darvozasiga kiritdi. Ushbu muvaffaqiyat evaziga Pep Gvardiola shogirdlari ochkolarini 70 taga yetkazib, "Arsenal"ni ortda qoldirgan holda turnir jadvalida peshqadamga aylanishdi. O'yin davomida "shaharliklar" mutlaq ustunlikka ega bo'lib, to'p nazorati va zarbalar soni bo'yicha raqibdan sezilarli darajada o'zib ketishdi.
Angliya Premer-ligasining navbatdagi turida "Manchester Siti" safarda "Bernli" mehmoni boʻldi. Uchrashuv "shaharliklar"ning minimal 1:0 hisobidagi gʻalabasi bilan yakunlandi. Oʻyindagi yagona golni uchrashuvning bor-yoʻgʻi 5-daqiqasida norvegiyalik hujumchi Erling Xoland kiritdi. Ushbu gʻalaba evaziga Pep Gvardiola shogirdlari ochkolarini 70 taga yetkazib, turnir jadvalida "Arsenal"ni ortda qoldirgan holda peshqadamga aylandilar.
Oʻyin davomida "Manchester Siti" katta ustunlikka ega boʻldi. Buni statistika ham tasdiqlaydi: mehmonlar toʻp nazorati boʻyicha 66% koʻrsatkich qayd etishdi va raqib darvozasi tomon 27 bor zarba berdilar (shundan 8 tasi aniq). "Bernli" esa butun oʻyin davomida bor-yoʻgʻi 1 ta aniq zarba yoʻllay oldi. Shuningdek, "Siti" futbolchilari 633 ta pas uzatib, 91% aniqlikka erishganlari ularning maydondagi toʻliq nazoratidan dalolat beradi.
Izohlar 0
…