14 yoshli turk shaxmatchisi Yagiz Kaan Erdogmush tarixiy rekord o‘rnatdi
14 yoshli turk shaxmatchisi Yagiz Kaan Erdogmus tarixiy rekord o'rnatdi. U klassik reytingda 2700 ochkoni oshirib o'tgan eng yosh shaxmatchi bo'ldi. Erdogmus "Avlodlar jangi" seriyasida 51 yoshli grossmeyster Veselin Topalovni yirik hisobda mag'lub etdi. Bu natija uning katta potensialga ega ekanligini ko'rsatadi va kelajakda jahon shaxmatining yetakchi nomlaridan biri bo'lishi kutilmoqda.
14 yoshli turk shaxmat isteʼdodi Yagiz Kaan Erdogmush klassik reytingda 2700 ochkodan oshib o‘tgan eng yosh shaxmatchi sifatida tarixga kirdi. Bu natija uni jahon shaxmat olamida alohida fenomen sifatida eʼtirof etishga sabab bo‘lmoqda.
12–17 aprel kunlari Monakoda o‘tkazilgan “Avlodlar janggi” seriyasida u 51 yoshli grossmeyster Veselin Topalov bilan kuch sinashdi. Dastlabki partiyalardanoq kurash keskin kechdi, hal qiluvchi burilish esa ikkinchi partiyada yuz berdi. Tajribali Topalov yirik xato qilib qo‘ydi va bu yosh raqib uchun imkoniyat eshigini ochib berdi.
Shundan keyin bahs to‘liq Erdogmush nazoratiga o‘tdi. U uchinchi partiyada ham g‘alaba qozondi, to‘rtinchi partiyada esa durang qayd etildi. Keyingi ikki uchrashuvda ham u raqibdan ustun chiqib, umumiy hisobni yirik — 5:1 ko‘rinishida yakunladi.
Ushbu natija orqali turk shaxmatchisi 22 reyting ochko qo‘shib, tarixiy 2700 marrani bosib o‘tdi. Bu ko‘rsatkich uni nafaqat isteʼdod, balki barqaror psixologiya va katta potensial sohibi sifatida namoyon qildi.
Avval bu rekord xitoylik grossmeyster Vey I ga tegishli edi. Endi esa Erdogmush uni deyarli bir yilga yaxshilab yangiladi — bu esa shaxmat dunyosida yangi avlodning jadal kirib kelayotganini ko‘rsatmoqda.
Mutaxassislar fikricha, bunday yoshda bunday darajaga chiqish kam uchraydigan holat bo‘lib, u kelajakda jahon shaxmatining yetakchi nomlaridan biri bo‘lishi mumkin.
Izohlar 0
…