Angliya Premer-ligasining 34-turi doirasida boʻlib oʻtgan «Bernli» va «Manchester Siti» uchrashuvida hamyurtimiz Abduqodir Husanov oʻzining yuksak mahoratini namoyish etdi. «Shaharliklar»ning 1:0 hisobidagi gʻalabasi bilan yakunlangan bahsda oʻzbekistonlik himoyachi maydondagi eng faol oʻyinchilardan biri boʻldi.
Uchrashuv yakunlariga koʻra, Husanov 7.8 ball toʻplab, «Manchester Siti» tarkibida eng yuqori bahoga loyiq koʻrildi. U hatto gol muallifi Erling Xoland (7.6) va jamoa sardori Bernardu Silva (7.1) kabi yulduzlarni ham statistik koʻrsatkichlar boʻyicha ortda qoldirdi. Himoyadagi tartibli oʻyin va ishonchli harakatlar evaziga Gvardiola shogirdlari oʻz darvozalari daxlsizligini saqlab qolishdi.
Quyidagi videoda Abduqodir Husanovning «Bernli»ga qarshi bahsdagi eng sara vaziyatlari, raqib hujumlarini qaytarishi va aniq paslari jamlangan. Tomosha qiling!
