“Lokomotiv”ning sobiq prezidenti Nikolay Naumov “Benfika” bosh murabbiyi Joze Mourinyo faoliyatini qaysi chempionat davom ettirishi mumkinligi haqida fikr bildirdi. U bu boradagi mulohazalarini “Yevro-Futbol.Ru” nashriga bergan intervyusida aytib o‘tdi. Bu haqda euro-football.ru xabar beradi.
Naumovning ta’kidlashicha, Mourinyo uchun oldingidek davr qolmagan bo‘lishi mumkin. Ekspert murabbiyga tanaffus kerakligini, futbol tendensiyalaridan biroz ortda qolganini aytdi: avvallari u sirli, kutilmagan va o‘ziga xos mutaxassis sifatida ko‘ringan bo‘lsa, hozir esa Naumov nazarida oddiyroq va standartroq murabbiyga aylangan.
Naumov Mourinyo uchun eng mos yo‘nalish sifatida Saudiya Arabistoni chempionatini tilga oldi. Uning fikricha, u yerda maoshlar yuqori, shov-shuvlarni yaxshi ko‘rishadi va tajribali, yoshi katta yulduz futbolchilar bilan ishlash imkoniyati ham bor.
Joze Mourinyo boshqaruvidagi “Benfika” Yevropa Chempionlar ligasi 1/16 finalida Madridning “Real” klubiga qarshi maydonga tushadi. Dastlabki uchrashuv 17 fevral kuni Portugaliyada bo‘lib o‘tadi.
“Zamin”ni Telegramʻda oʻqing!
