"Al-Nasr" bosh murabbiyi Jorje Jezush Krishtianu Ronalduning yaqinlashib kelayotgan o‘yinda maydonga tushmasligi sababini izohladi. Bu haqda euro-football.ru xabar beradi.
Ar-Riyod klubi chorshanba kuni OFK Chempionlar ligasi doirasida "Arkadag"ga qarshi bahs olib boradi. Portugaliyalik hujumchi bo‘yicha qaytish haqidagi gap-so‘zlar kuchayganiga qaramay, bu safar ham u ro‘yxatda bo‘lmaydi.
Jezushning ta’kidlashicha, jamoa tig‘iz taqvimni inobatga olib, Ronaldu va asosiy tarkibdagi yana bir nechta futbolchiga dam berishga qaror qilgan. Murabbiy bu qarorni shanba kungi "Al-Fatех"ga qarshi muhim uchrashuv oldidan qabul qilinganini qo‘shimcha qildi.
Al Nassr Zone keltirgan iqtibosda Jezush Ronalduning bunday dam olishi yangilik emasligini ham eslatdi: u Saudiya Arabistonidan tashqarida o‘tadigan o‘yinlarni ilk bor o‘tkazib yuborayotgani yo‘q.
Saudiya chempionatida "Al-Fatех" — "Al-Nasr" uchrashuvi shanba, 14-fevral kuni bo‘lib o‘tadi.
“Zamin”ni Telegramʻda oʻqing!
