"Lans" bosh murabbiyi Pyer Saj chempionlik poygasi borasida navbatdagi fikrlarini bildirdi. "PSJ"ning ochko yo‘qotishi va jamoasining "Parij" ustidan 5:0 hisobidagi yirik g‘alabasidan so‘ng, "Lans" Fransiya chempionati turnir jadvalida yetakchilikka chiqdi. Bu haqda euro-football.ru xabar beradi.
Mutaxassis peshqadamlik va katta hisobdagi g‘alabadan mamnunligini yashirmadi, biroq chempionlik haqida oshkora gapirishdan ataylab tiyilayotganini ta’kidladi.
"Hozir bizda aniq va ochiq e’lon qilingan ambitsiyalar bor, eng muhimi — ular amalga oshadigan maqsadlar. Futbolchilar maqsadga erishish uchun qaysi bosqichlardan o‘tish kerakligini yaxshi bilishadi. Biz bosqichma-bosqich oldinga yuramiz. Birinchi bosqich allaqachon bajarildi", — deya Sajning so‘zlarini keltiradi Le Parisien.
Saj jamoa ichida vaziyat xotirjam ekanini, futbolchilar esa diqqatni yo‘qotmayotganini ham qayd etdi.
"Ular hamma narsa bosqichma-bosqich — jiddiy yondashuv, fidoyilik va qat’iyat orqali qo‘lga kiritilishini tushunishadi. Biz muvaffaqiyatsizroq kunlar ham bo‘lishini bilamiz. Shunday bo‘lsa-da, keyingi Chempionlar ligasiga chiqish uchun baribir g‘alaba qozonishimiz kerak", — dedi murabbiy.
Hozirda "Lans" hisobida 52 ochko bor, "PSJ" esa bir ochko kam jamg‘argan.
“Zamin”ni Telegramʻda oʻqing!
