Osiyo Chempionlar ligasida yetti turdan so'ng «Shanxay Shenchxua» pley-offga chiqish imkoniyatini boy bergandi. Sakkizinchi turda Leonid Slutskiy jamoasi «Buriram Yunayted»ga qarshi o'yinda hech bo'lmasa turnir bilan munosib xayrlashishga urinib ko'rdi, biroq bunga ham erisha olmadi. Bu haqda euro-football.ru xabar beradi.
Uchrashuvda Tailand klubi 2:0 hisobida g'alaba qozondi. «Buriram Yunayted» birinchi bo'limning dastlabki daqiqalaridayoq ikki bor raqib darvozasini ishg'ol qildi: 11-daqiqada Gud Ko'rtis, 22-daqiqada esa Suphanat Mueanta gol urdi. Oradan ko'p o'tmay «Shanxay Shenchxua» bir futbolchiga kamayib qoldi va bu o'yindagi intriganing amalda yo'qolishiga olib keldi.
Ma'lumot uchun, Leonid Slutskiyning «Shanxay Shenchxua» bilan amaldagi shartnomasi 2027 yil oxirigacha mo'ljallangan.
“Zamin”ni Telegramʻda oʻqing!
