Rossiyalik darvozabon, hozirda "PSJ" safida to‘p surayotgan Matvey Safonov Olimpiya o‘yinlaridagi 50 km masofadagi marafon poygalari oldidan chang‘ichilar Darya Nepryayeva va Saveliy Korostelyovga murojaat qildi. Bu haqda euro-football.ru xabar beradi.
Safonov sportchilarga omad tilab, ularni qo‘llab-quvvatlashini aytdi. Shuningdek, u Darya va Saveliyga biroz havas qilishini yashirmadi: darvozabonning ta’kidlashicha, hozir u Rossiya nomidan xalqaro musobaqalarda qatnasha olmayapti.
Uning so‘zlariga ko‘ra, eng muhimi — Nepryayeva va Korostelyov startdan keyin o‘z chiqishidan o‘zi mamnun bo‘lib qolishi.
Eslatib o‘tamiz, Korostelyov skiatlonda olimpiyadagi medaldan bir qadam narida to‘xtab, to‘rtinchi bo‘lib marraga yetib kelgan. Nepryayeva esa hozircha kuchli o‘ntalikka kirishga ulgurmagan.
“Zamin”ni Telegramʻda oʻqing!
