xAI kompaniyasi "Grok 4.3" modelining yangilangan versiyasini taqdim etdi. Endilikda sun'iy intellekt muloqot davomida tayyor PDF-hujjatlar, jadvallar va taqdimotlar yaratish imkoniyatiga ega bo'ldi. Foydalanuvchilar ma'lumotlarni boshqa servislar yoki "Excel"ga qo'lda ko'chirmasdan, tizim ichida strukturaviy ma'lumotlar shakllantira oladilar. Bu haqda Ixbt.com xabar beradi.
Tizimga videolarni tahlil qilish funksiyasi qo'shildi. Foydalanuvchilar video roliklar mazmuni bo'yicha savollar berishlari va kerakli lahzalarni ajratib olishlari mumkin. Shuningdek, modelning mantiqiy fikrlash qobiliyati va javoblar sifati yaxshilangan.
Kompaniya "Grok Computer" agentini ham rivojlantirmoqda. Ushbu vosita kompyuterni boshqarish va ish jarayonlarini avtomatlashtirish imkonini beradi. Hozirda "Grok 4.3" beta-versiyada bo'lib, undan oyiga 300 dollar to'lovchi "SuperGrok Heavy" obunachilari foydalanishlari mumkin.
“Zamin”ni Telegramʻda oʻqing!
