Osiyo Chempionlar ligasida «Shankhay Shenchxua» yetti turdan so‘ng pley-offga chiqish imkoniyatidan mahrum bo‘ldi. 8-turda «Buriram Yunayted»ga qarshi o‘yin Leonid Slutskiy jamoasi uchun turnirdagi so‘nggi imkoniyat — hech bo‘lmasa munosib xayrlashish edi, biroq buni uddalay olmadi. Bu haqda euro-football.ru xabar beradi.
Uchrashuv 0:2 hisobida taylandliklar foydasiga yakunlandi. «Buriram» birinchi taym boshidayoq ikki bor raqib darvozasini ishg‘ol qildi — 11-daqiqada Gud Ko‘rtis, 22-daqiqada esa Suphanat Mueanta gol urdi. Ko‘p o‘tmay «Shankhay Shenchxua» bir futbolchiga kam bo‘lib qolgach, o‘yindagi intriga deyarli so‘ndi.
Ma’lumot uchun, Leonid Slutskiyning «Shankhay Shenchxua» bilan amaldagi shartnomasi 2027 yil oxirigacha mo‘ljallangan.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
