"Shanghai Shenhui" Osiyo Chempionlar ligasida yetti turdan so'ng pley-off yo'llanmasi uchun kurashish imkoniyatini boy bergandi. 8-turda Leonid Slutskiy jamoasi "Buriram United"ga qarshi hech bo'lmasa turnir bilan munosib xayrlashishga urinib ko'rdi, ammo bu safar ham natija chiqmadi. Bu haqda euro-football.ru xabar beradi.
Uchrashuv 0:2 hisobida taylandliklar foydasiga yakunlandi. "Buriram United" birinchi bo'limning dastlabki daqiqalaridayoq ikki bor raqib darvozasini ishg'ol qildi: 11-daqiqada Gud Kertis hisobni ochdi, 22-daqiqada esa Mueanta Suphanat ustunlikni mustahkamladi. Oradan ko'p o'tmay "Shanghai Shenhui" bir futbolchiga kam bo'lib qoldi va bu o'yindagi intriga deyarli so'ndi.
Ma'lumot uchun, Leonid Slutskiyning "Shanghai Shenhui" bilan amaldagi shartnomasi 2027 yil oxirigacha mo'ljallangan.
“Zamin”ni Telegramʻda oʻqing!
