Argentina futbol assotsiatsiyasi (AFA) prezidenti Klaudio Tapia ijtimoiy badallar to'lanmagani yuzasidan ochilgan ish doirasida prokuraturaga so'roqqa chaqirildi. Bu haqda euro-football.ru xabar beradi.
Ushbu ishda tashkilot g'aznachisi Pablo Tovigino ham gumondor sifatida qayd etilgan. Huquq-tartibot idoralari har ikki shaxsga mamlakatni tark etishni taqiqladi.
So'roq 5 mart kuni bo'lib o'tadi. Tergov AFA tomonidan ijtimoiy badallar bo'yicha davlat g'aznasiga 13 mln dollar yetishmagani haqidagi ma'lumotlardan so'ng boshlangan.
Shuningdek, Tapia mulkida bo'lgan, 10 gektar maydonga ega va vertolyot maydonchasi mavjud qo'rg'on ham tekshiruv doirasida shubha uyg'otgan.
Prokuraturani futbolchilarga berilgan bonuslar miqdori ham qiziqtirmoqda: ular Tapianing dunyo bo'ylab parvoz xarajatlaridan kamroq ekani qayd etilmoqda.
“Zamin”ni Telegramʻda oʻqing!
