"Real Madrid" Niko Pasni 2026-yilda jamoaga qaytarishga qaror qildi
"Real Madrid" rahbariyati Italiyaning "Komo" klubida to‘p surayotgan iqtidorli yarim himoyachi Niko Pasni 2026-yilda jamoaga qaytarishga qaror qildi. Madridliklar futbolchining transfer huquqini qayta sotib olish bandini faollashtirish bo‘yicha Italiya tomonini rasman xabardor qilgan. Hozirda A Seriyada ajoyib natijalar ko‘rsatayotgan 20 yoshli futbolchi "qirollik klubi"ning 2026-27-yilgi mavsumdagi ilk rasmiy transferi bo‘lishi kutilmoqda. Bu harakat klubning o‘z akademiya tarbiyalanuvchilari ustidan nazoratni saqlab qolish strategiyasining muhim qismidir.
"Real Madrid" rahbariyati Italiyaning "Komo" klubida to'p surayotgan Niko Pasni o'rtaga qaytarish bo'yicha yakuniy qarorga keldi. Madridliklar argentinalik yarim himoyachining transfer huquqini qayta sotib olish bandini faollashtirish haqida Italiya tomonini xabardor qilgan. Bu haqda Goal.com xabar beradi.
20 yoshli futbolchi 2026-27-yilgi mavsum uchun "Qirollik klubi"ning birinchi rasmiy transferiga aylanishi kutilmoqda. Garchi shartnomada belgilangan muddat 30-maygacha davom etsa-da, Florentino Peres boshchiligidagi rahbariyat iqtidorli tarbiyalanuvchini tezroq safiga qo'shib olishni maqsad qilgan.
Niko Pas A Seriyada Sesk Fabregas qo'l ostida ajoyib o'yin ko'rsatmoqda. U joriy mavsumda barcha musobaqalarda 37 ta o'yinda maydonga tushib, 13 ta gol urdi va 8 ta golli uzatmani amalga oshirdi.
Bunday natijalar uning Argentina terma jamoasiga chaqirilishiga va Lionel Messi bilan birga o'ynashiga sabab bo'ldi.
"Real Madrid" o'z akademiyasi bitiruvchilari ustidan nazoratni saqlab qolish strategiyasini davom ettirmoqda. Klub Niko Pasdan tashqari "Osasuna"dagi Viktor Munyos kabi boshqa yosh iqtidorlar holatini ham diqqat bilan kuzatib bormoqda.
"Komo" klubi esa Pasning ketishiga tayyorgarlik ko'rmoqda. Italiyaliklar uning o'rnini to'ldirish uchun Madridning boshqa yosh yulduzlari — Daniel Yanes va Xesus Fortea bilan shartnoma imzolashga qiziqish bildirgan.
Izohlar 0
…