Myunxenning «Bavariya» jamoasi bosh murabbiyi Vensan Kompani Bundesliganing 23-turida Frankfurtning «Ayntaraxt»iga qarshi o‘yin haqida fikr bildirdi. Myunxenliklar o‘z maydonida 3:2 hisobida g‘alaba qozondi. Bu haqda euro-football.ru xabar beradi.
Belgiyalik mutaxassisga ko‘ra, jamoa maydonda biroz bo‘shashib harakat qilgan va bir qancha imkoniyatlardan foydalana olmagan. «Uchinchi golgacha to‘liq ustun edik, ammo raqibning ikkinchi golini o‘zimiz “sovg‘a qildik”. Uchrashuv oxirida mehmonlar bosimni kuchaytirdi, shunga qaramay g‘alabani ushlab qoldik — bu juda muhim uch ochko», — deya Kompanining so‘zlarini klub matbuot xizmati keltirdi.
23 turdan so‘ng «Bavariya» Bundesliga turnir jadvalida yetakchilik qilmoqda. Myunxen klubi ikkinchi o‘rindagi «Borussiya»dan sakkiz ochko oldinda bormoqda.
“Zamin”ni Telegramʻda oʻqing!
